Црква „Св. Богородица“ - Тетово

 

Историјата на црквата „Света Богородица“ е доста долга и датира од многу старо време. Оваа црква е подигната непосредно по Балканските војни и ослободувањето од долгогодишното турско ропство. Во месноста „Горно Маало“ во 1903/4 година на урнатините на старата црква се започнало со градба на нова и поголема црква којашто траела сe до 1916 година. Изградената површина на црквата изнесува 6,5 ари. Градена е од камен и полна печена цигла. Фреските заедно со иконите на иконостасот ги изработил зографот Тале од Галичник кој тогаш живеел во Гостивар. Осветувањето на црквата било извршено на 28 август 1918 година на ден „Успение на Пресвета Богородица" од страна на скопскиот митрополит Варнава.
Иконостасот е изработен во два вида. Горниот дел е во даборез, а долниот е на обично дрво.